Note: This is a re-post with some changes.

‘அனைவருக்கும் உளங்கனிந்த பொங்கல் நல்வாழ்த்துக்கள்!!’ Pongal – a Primer – for the new generation! Please share this with the kids…

four days of Pongal

பொங்கல் திருநாள் – குழந்தைகளுக்கான விளக்கம்

 போகி –  பொங்கல் பண்டிகையின் முதல்நாள். பழையன கழிதலும் புதியன புகுதலும் – சொல்லில், செயலில், மனதில் மற்றும் பொருளளவில்.  You can say its the first day of the four days of Pongal.

பெரும் பொங்கல் (அ) தைப் பொங்கல் (அ) ஞாயிற்றுப் பொங்கல் – பொங்கல் கொண்டாறதோட முக்கிய நோக்கம், உழைக்கும் மக்களுக்கும், விவசாய மக்களுக்கும் வருடம் முழுவதும் ஒளி கொடுத்து, உழைக்க வழி கொடுக்கும் ஞாயிற்றிற்கு (சூரியனுக்கு) நன்றி தெரிவிப்பதே. வயலின் விவசாயம் முடிந்து விளைச்சல் கையில் கொண்டிருக்கும் அடுத்த விளை போகத்திற்கு தயாராகு முன்னராக, கொண்ட விளைச்சலின் மகி்ழ்ச்சியால், மனமுவந்து ஞாயிற்றிற்கு நன்றி தெரிவிப்பதே பெரும் பொங்கல். தை பிறக்கும் முதல் நாளில், பொங்கல் பிறக்கும், புது வருடம் பிறக்கும். தை பிறந்தால் வழி பிறக்குமென்பதெல்லாம் இந்த நம்பிக்கைகளின் அடிப்படையில் வந்த பழமொழி. விளை பொருட்களை, நன்றி காட்டுமுகமாக ஞாயிற்றிற்கு படையலிட்டு, உற்றார் உறவினர் மற்றும் ஊரோடு பொங்கல் விருந்து கொண்டாடுவது வழக்கம்.

மாட்டுப் பொங்கல் – மறுபடியும் வருடம் முழுதும் விவசாயிகளுக்காக உழைத்த மாடுகளுக்கு நன்றி தெரிவிக்க இந்த மாட்டுப் பொங்கல்.

காணும் பொங்கல் – பொங்கல் கொண்டாட்டத்தின் நாலாவதும் கடைசி நாளுமான காணும் பொங்கல் – உடன் உழைத்தவர்களுக்கும், உறவினர்களுக்கும் குடும்பத்தில் பெரியவர்களுக்கும் நன்றி செலுத்தும் நாள்.

பொங்கல் திருநாள் தமிழுக்குத் திருக்குறள் தந்த திருவள்ளுவர் தினமாகவும் கொண்டாடப்படுகிறது. தமிழக அரசின் தமிழ்ப் புத்தாண்டின் முதல் நாளாகவும் பொங்கல் திருநாள் உள்ளது.

அன்புடன்,

தமிழ்க்கேணி

Advertisements

Little Red Ridding Hood  என பெரிதும் அறியப்படும் கதையின் தமிழாக்கம் – நமது பள்ளிப் பிள்ளைகளுக்காக சிறிது மாற்றத்துடன் இங்கே. இந்த கதையானது கதை நேரத்தில் பிள்ளைகளுக்கு அறிமுகப்படுத்தப்பட்டு, ஆங்கில மூலக் கதையுடனான ஒப்பீட்டை கதை நேரத்திற்குப் பிறகான கலந்துரையாடலாக மேற்கொள்ளப்பட்டது.

சின்னத் தங்கமும் காட்டு ஓநாயும்

ரொம்ப நாளுக்கு முன்னால, காட்டுப்பக்கம் ஒரு சின்ன ஊரில ஒரு சின்னப் பொண்ணு அவங்க அம்மா அப்பாவோட இருந்தாள்.  அவ பேரு சின்னத் தங்கம், அவங்க அம்மாவுக்கு ரொம்ப உதவியா இருந்தாள். அவங்க அம்மாவும் அப்பாவும் அவ மேல ரொம்ப பாசமா இருந்தாங்க.

சின்னத் தங்கத்தோட பாட்டி அதே ஊரில  இன்னொரு தெருவில இருந்து வந்தாங்க, அவங்களுக்கு சின்னத்தங்கம்னா ரொம்ப பிடிக்கும்.

ஒரு நாள், சின்னத் தங்கத்தோட அம்மா, நீ போய் பாட்டியை பார்த்துட்டு வா, இந்த வாழைப்பழத்தை உங்க பாட்டிக்கு கொடுத்துட்டு வான்னு சொன்னாங்க.

சின்னத்தங்கமும், ஆசையா பாட்டியை பார்க்க கிளம்பிட்டாள். அவ காட்டு வழியா ஆடிப்பாடிக் கொண்டே போயிட்டுருந்தா.

அந்தக் காட்டுக்குள்ள ஒரு ஓநாய் இருந்தது, அது ரெண்டு மூணு நாளா சாப்பிடாம பசியில இருந்தது, சின்னத்தங்கத்தை பாத்தவுடனே, எப்படியாவது சின்னத்தங்கத்தை ஏமாத்தி, அவளை சாப்பிடலாம்னு அந்த ஓநாய் நெனைச்சது.

அந்த ஓநாய், சின்னத்தங்கத்துக் கிட்டப்போயி, நீ எங்க போறன்னு கேட்டுது.

நான் எங்க பாட்டியைப் பார்க்க போறேன்னு சின்னத்தங்கம் சொன்னாள்.

பாட்டி வீடு எங்க இருக்குதுன்னு ஓநாய் கேட்டுது, பக்கத்து தெருவில கோடி வீட்டில இருக்கிறாங்கன்னு சின்னத்தங்கம் சொல்லிட்டு, அவ நடந்து போயிட்டேயிருந்தாள்.

அந்த ஓநாய், அடடா, நாம சின்னத்தங்கம் அவங்க பாட்டி வீட்டுக்கு போறதுக்கு முன்னால, அங்க போயி அவளோட பாட்டியை மாதிரி வேஷம் போட்டு அவளை ஏமாத்தி சாப்பிட்டுடலாம்னு நெனெச்சு, வேக வேகமா அவங்க பாட்டி வீட்டுக்கு ஓடுச்சு.

அவங்க பாட்டி, வேற வேலையா வெளிய போயிருந்தாங்க, ஒநாயும் மகிழ்ச்சியா அந்த வீட்டுக்குள்ள போயி, பாட்டியோட படுக்கையில படுத்துட்டு, போர்வையை உடம்பு முழுக்க போத்திகிட்டு சின்னத்தங்கம் வர்றதுக்காக காத்துட்டிருந்தது.

சின்னத்தங்கமும், பாட்டி வீட்டு வாசலுக்கு வந்து, பாட்டி கதவைத் திறங்கன்னு, கதவைத் தட்டினாள்.

ஓநாய், தன் குரலை மாத்திக்கிட்டு, யாரு அதுன்னு கேட்டுது.

பாட்டிக்கு தொண்டை சரியில்லையோனு நெனைச்சிகிட்டு, பாட்டி நான்தான் சின்னத்தங்கம் வந்திருக்கிறேன், உங்களுக்கு பழம் கொண்டுவந்திருக்கேன்னு சொன்னாள்.

ஓநாயும், சின்னத்தங்கம் கதவு திறந்துதான் இருக்கு, திறந்து உள்ளவா, நான் படுக்கையில படுத்துக்கிட்டு இருக்கேன்னு சொல்லுச்சு.

சின்னத்தங்கம் கதவைத் திறந்து படுக்கையறைக்கு போனாள், இருட்டுல பாட்டியோட முகம் வித்தியாசமா இருந்தது அவளுக்கு.

என்ன பாட்டி உங்களுக்கு இவ்வளவு பெரிய காது؟ அப்படீன்னு சின்னத்தங்கம் கேட்டாள். அந்த ஓநாயோ, ஆமாம் நீ பேசறதையெல்லாம் கேக்க வேணாமா அதுக்காகத்தான்னு பதில் சொல்லுச்சு.

என்ன பாட்டி உங்களுக்கு பெரிய கண்؟ அப்படீன்னு சின்னத்தங்கம் கேட்டாள். அந்த ஓநாயோ, ஆமாம் உன்னை முழுக்க பாக்க வேணாமா, அதுக்காகத்தான்னு பதில் சொல்லுச்சு.

என்ன பாட்டி உங்களுக்கு அவ்வளவு பெரிய கூரான பல் இருக்கு, அப்படீன்னு சின்னத்தங்கம் கேட்டாள். அந்த ஓநாயோ, ஆமாம் உன்னை முழுக்க நான் சாப்பிட வேணாமான்னு கேட்டுகிட்டே, படுக்கையை விட்டு எழுந்து வந்துது.

பாட்டிக்கு பதிலா ஒநாயைப் பார்த்த சின்னத்தங்கம், எனக்கு உதவி வேணும், உதவி வேணும்னு உரக்கக் கத்திக்கிட்டே, வேக வேகமா வீட்டை விட்டு தெருவில ஓட ஆரம்பிச்சாள்.  சின்னத்தங்கத்தை சாப்பிடறதுக்காக, ஓநாயும் அவளைத் துரத்திகிட்டு வந்துது.

அப்ப பக்கத்து வீட்டுல இருந்தவர், கையில வெச்சிருந்த பெரிய கொம்பை எடுத்து அந்த ஓநாய் மேல வேகமா போட்டு, ஓநாயை தூர துரத்திவிட்டார்.  அந்த ஓநாயும் பயந்துபோய் தூர ஓடிப்போச்சு, அதுக்கப்புறமா அது அந்தப் பக்கம் வர்றதேயில்லை.

அதுக்குள்ள, வெளிய போயிருந்த சின்னத்தங்கத்தோட பாட்டியும் வந்துட்டாங்க, ஓடி வந்து சின்னத்தங்கத்தை கட்டிப்பிடிச்சிகிட்டாங்க.  சின்னத்தங்கமும் ரொம்ப மகிழ்ச்சியாயிட்டாள்!


தமிழ்க்கேணி 2011-12 கலை நிகழ்ச்சிகள்

கிட்டத்தட்ட ஒன்றரை ஆண்டுகளுக்கு மேலாக, தமிழ்க்கேணியின் மூலமாக இர்வைன் வாழ் சிறார்களுக்கு தமிழ் கற்றுக்கொடுத்தலின் அடுத்தக்கட்டமாக, ஜனவரி 29 அன்று பள்ளிப் பிள்ளைகள் அனைவரும் பங்குகொண்டு சிறப்பித்த 2011-12 கலை நிகழ்ச்சிகள் குறித்த விவரங்களை இங்கே பதிகிறோம்.

கலை நிகழ்ச்சியில் தமிழ்க்கேணி சிறார்கள், இரண்டு குழுக்களாக, இரண்டு நாடகங்களை நடித்துக் காட்டினர்.

1) ஒரு பட்டாம்பூச்சியின் கதை – என்ற தலைப்பில் கூட்டுப்புழுவிலிருந்து பட்டாம்பூச்சி உருவாவது குறித்த நாடகம்

2) ஐம்பூதங்களெனப்படும் ஆகாயம், நெருப்பு, நிலம், நீர் மற்றும் காற்று ஆகியவற்றிற்கிடையேயான உரையாடல் குறித்த நாடகம்

மற்றும், பிள்ளைகள் பின்வரும் பாடல்களை பாடிக்காட்டினர்.

  • பாரதியின் ஒளி படைத்த கண்ணிணாய் வா
  • வெள்ளை முயல் ஓடுது
  • யானை வருது யானை வருது
  • காட்டுப்பாக்கம் தாத்தாவுக்கு காடு போல தாடியாம்

பாடல்களுக்கும் நாடகங்களுக்கும் இடையில், பெற்றோர்கள்/ஆசிரியர் சார்பாக சந்தியா, கார்த்திக் மற்றும் கல்யாண் ஆகியோர் தமிழிசைப் பாடல்கள் பாடினர்.

மேலும் ஆசிரியர் குழுவினர், தமிழ்க்கேணி பாடத் திட்டங்கள் மற்றும் இந்த ஆண்டுக்கான திட்டங்கள் குறித்தும்,  இது தவிர்த்து பெற்றோர்கள் சிலரும் பிள்ளைகள் தமிழ் கற்பதன் அனுபவங்களையும் பகிர்ந்து கொண்டனர்.

கலைநிகழ்ச்சி தொடர்பான படத் தொகுப்பு உங்கள் பார்வைக்கு..

https://picasaweb.google.com/thamizhkeni/201112?authuser=0&authkey=Gv1sRgCOaYwIio6NOkLA&feat=directlink

தமிழ்க்கேணி 2011-12 கலைநிகழ்ச்சி

‘அனைவருக்கும் உளங்கனிந்த பொங்கல் நல்வாழ்த்துக்கள்!!’

Pongal – a Primer – for the new generation! Please share this with the kids…

four days of Pongal

பொங்கல் திருநாள் - குழந்தைகளுக்கான விளக்கம்

 –  பழையன கழிதலும் புதியன புகுதலும் – சொல்லில், செயலில், மனதில் மற்றும் பொருளளவில்.  You can say its the first day of the four days of Pongal.

பெரும் பொங்கல் (அ) தைப் பொங்கல் (அ) ஞாயிற்றுப் பொங்கல் – பொங்கல் கொண்டாறதோட முக்கிய நோக்கம், உழைக்கும் மக்களுக்கும், விவசாய மக்களுக்கும் வருடம் முழுவதும் ஒளி கொடுத்து, உழைக்க வழி கொடுக்கும் ஞாயிற்றிற்கு (சூரியனுக்கு) நன்றி தெரிவிப்பதே. வயலின் விவசாயம் முடிந்து விளைச்சல் கையில் கொண்டிருக்கும் அடுத்த விளை போகத்திற்கு தயாராகு முன்னராக, கொண்ட விளைச்சலின் மகி்ழ்ச்சியால், மனமுவந்து ஞாயிற்றிற்கு நன்றி தெரிவிப்பதே பெரும் பொங்கல். தை பிறக்கும் முதல் நாளில், பொங்கல் பிறக்கும், புது வருடம் பிறக்கும். தை பிறந்தால் வழி பிறக்குமென்பதெல்லாம் இந்த நம்பிக்கைகளின் அடிப்படையில் வந்த பழமொழி. விளை பொருட்களை, நன்றி காட்டுமுகமாக ஞாயிற்றிற்கு படையலிட்டு, உற்றார் உறவினர் மற்றும் ஊரோடு பொங்கல் விருந்து கொண்டாடுவது வழக்கம்.

மாட்டுப் பொங்கல் – மறுபடியும் வருடம் முழுதும் விவசாயிகளுக்காக உழைச்ச மாடுகளுக்கு நன்றி தெரிவிக்க இந்த மாட்டுப் பொங்கல்.

காணும் பொங்கல் – பொங்கல் கொண்டாட்டத்தின் நாலாவதும் கடைசி நாளுமான காணும் பொங்கல் – உடன் உழைத்தவர்களுக்கும், உறவினர்களுக்கும் குடும்பத்தில் பெரியவர்களுக்கும் நன்றி செலுத்தும் நாள்.

Visit our Blog for the latest:- www.thamizhkeni.wordpress.com

தமிழ்க்கேணி 2011-12 இன் மகிழ்ச்சியான தருணங்கள் உங்களுடன் பகிர்வதில் மகிழ்கிறோம்.
1) அமெரிக்க தமிழ்க்கழக பாடத்திட்டத்தில் பிள்ளைகள் படிக்கத் துவங்கியது
2) தமிழ்ச்சோலை தமிழ் கதை புத்தக நூலகம் &
3) முக்கியமாக கிட்டத்தட்ட பத்து பிள்ளைகள் தமிழில் எழுதுவதும், படிப்பதுவும் மற்றும் பேசுவதற்கான முயற்சிகளுடன் இருக்கின்றனர்.

அன்புடன்,
தமிழ்க்கேணி குழுவினருக்காக

Posted by: ப்ரியாசுப்பராஜ் | December 21, 2011

யானை வருது பாடல் வரிகள்


யானை வருது பாடல் வரிகள்…

யானை வருது யானை வருது
பார்க்க வாருங்கோ
அசைந்து அசைந்து நடந்து வருது
பார்க்க வாருங்கோ

கழுத்து மணியை ஆட்டி வருது
பார்க்க வாருங்கோ
காதை காதை அசைத்து வருது
பார்க்க வாருங்கோ

நீண்ட தந்தத் தோடே வருது,
பார்க்க வாருங்கோ
தும்பிக்கையை வீசி வருது
பார்க்க வாருங்கோ.

Posted by: ப்ரியாசுப்பராஜ் | December 21, 2011

வெள்ளை முயல் பாடல் வரிகள்


வெள்ளை முயல் பாடல் வரிகள்

வெள்ளை முயல் ஓடுது
வேகமாக ஓடுது
குள்ள முயல் ஓடுது
குதித்து குதித்து ஓடுது

நெட்டையான காதையே
நீட்டி நீட்டி ஆட்டுது
குட்டையான வாலையே
குறுகுறுன்னு ஆட்டுது

Posted by: ப்ரியாசுப்பராஜ் | December 21, 2011

ஓடி விளையாடு பாப்பா பாடல் வரிகள்



ஓடி விளையாடு பாப்பா பாடல் வரிகள்

ஓடி விளையாடு பாப்பா
நீ ஓய்ந்திருக்கலாகாது பாப்பா
கூடி விளையாடு பாப்பா
ஒரு குழந்தையை வையாதே பாப்பா.

காலை எழுந்ததும் படிப்பு
பின்பு கனிவு கொடுக்கும் நல்ல பாட்டு
மாலை முழுதும் விளையாட்டு
என்று வழக்கப்படுத்திக்கொள்ளு பாப்பா

சின்னஞ்சிறு குருவி போலே
நீ திரிந்து பறந்து வா பாப்பா
வண்ண பறவைகளைக்கண்டு நீ
மனதில் மகிழ்ச்சி கொள்ளு பாப்பா.

ஓடி விளையாடு பாப்பா
நீ ஓய்ந்திருக்கலாகாது பாப்பா
கூடி விளையாடு பாப்பா
ஒரு குழந்தையை வையாதே பாப்பா.

பாடல் வரிகள்: மகாகவி சுப்ரமணிய பாரதியார்.

Posted by: ப்ரியாசுப்பராஜ் | December 21, 2011

தாத்தாவும் பெரிய தாடியும் பாடல் வரிகள்


தாத்தாவும் பெரிய தாடியும் பாடல் வரிகள்

காட்டுப் பாக்கம் தாத்தாவுக்கு
காடு போலத் தாடியாம்

மாடி மேலே நிற்கும் போதும்
தாடி மண்ணில் புரளுமாம்

ஆந்தை இரண்டு, கோழி, மைனா
அண்டங்காக்கை குருவிகள்

பாந்தமாகத் தாடிக்குள்ளே
பதுங்கிக் கொண்டிருந்தன

உச்சி மீது நின்ற தாத்தா
உடல் குலுங்கத் தும்மினார்

அச்சு அச்சு என்ற போது
அவை அனைத்தும் பறந்தன.


பாரதியின் ஒளி படைத்த கண்ணினாய் பாடல் வரிகள்

ஒளி படைத்த கண்ணினாய் வா வாவா
உறுதி கொண்ட நெஞ்சினாய் வா வா வா
களிபடைத்த மொழியினாய் வா வா வா
கடுமை கொண்ட தோளினாய் வா வா வா..

தெளிவு பெற்ற மதியினாய் வா வா வா
சிறுமை கொண்டு பொங்குவாய் வா வா வா
எளிமை கண்டு இரங்குவாய் வா வா வா
ஏறுபோல் நடையினாய் வா வா வா..


அமர்வு (Session) 5 – வகுப்பு (Class) 6 -க்கான பாடத்திட்டம் 06/05/2011

பகுதி – 1 (5 நிமிடங்கள்)

  • வீட்டுப் பாடப் பணித் தாள்கள் சேகரித்தல்
  • பிள்ளைகளிடம் பொது கலந்துரையாடல்

பகுதி – 2 (30 நிமிடங்கள்)

  • ஒகார எழுத்துக்கள் மீள்பார்வை
  • கோ-னோ ஓகார எழுத்துக்கள் அறிமுகப்படுத்துதல் மற்றும் எழுதிக் காட்டச் சொல்லுதல்

பகுதி – 3 (30 நிமிடங்கள்)
கேள்வி நேரம்:

  • பிள்ளைகளை இரு பிரிவுகளாகப் பிரித்து டிக் டெக் டொ (Tic Tac Toe) வடிவத்திலான சிறு புதிர் விளையாட்டு – இது வரை நடத்தப்பட்ட பாடங்களிலிருந்தும், பாடல்களிலிருந்தும் கேள்வி கேட்டு டிக் டெக் டொ சதுரங்களை நிரப்புதல்

பகுதி – 4

  • வீட்டுப் பாடப் பணித் தாள்கள் கொடுத்தல்
  • சிறுந்தீனி நேரம்.

Older Posts »

Categories